tg-me.com/AL_Nay_and_Alrthaa/724
Last Update:
لسان حال مولاتي زينب عليها السلام ليلة العاشر مع اخوتهه تقول _
تعالو احجولي باجر وين منواي_
من ترحون ياهو اليبقه وياي_
خليكم عليه افياي يحسين _
بعد فيكم يخويه منيلي افياي _
خير من الله ماي هنا بالخيام _
إذا ع الماي ما عطشانه للماي_
شنهي الماي غير بكيفنه يطيح _
راح اعطش عليكم باجر اهواي _
باجر خيمكم تحترك _ وتطشر اسوالف عشك
باجر ركض خيل وزلم _ وام عون باجر تنلحگ
___
موش اثنينكم باجر تروحون _
خيظل عون منكم يحرس ام عون _
ما عرف الركض لا طالعه بليل _
اروحن وين لو ظلو يحركون _
تنهاب الأخت لو عدهه خوان _
واحد خل يظل خاطر يهابون _
الجلمت طلعو زينب حيل ينراد _
سبعين الف خل تطلع يصيحون _
سبعين الف وتهد علي _ لا عندي ابن لا عندي اخي
من كثر ما طفي الخيم _ مابيه حيل اشكف بدي
____
طلعت وياكم بهيبه وكفاله
وناكه امگبعه بعزه وجلاله
وصلنه الكربله وحسيت بالخوف
تراوالي الضعن يفگد دلاله
كلشي أبالي لو عفتوني ايصير
ضعني يسوگه كافل موش ماله
برد شرك يباجر عسن لاجيت
الله يعين حالي شلون حاله
تطلع شمس يطلع خدر _ تمشي الزلم نمشي بيسر
هيه المصيبه اخلاف اخوي _ يحدي بضعن زينب شمر
___
اكعدو كبال عيني ولا تكومون
اريدن منكم اترس شوف العيون
باجر حسره شوفتكم يالاعزار
اريدن يمكم اوصل مايقبلون
باجر نعبر عليكم مجاتيف
عين وعمده من يمكم يمرون
بصفكم نوكف وملتمه شمات
ذوله اخوانج وفنهم يكومون
وياكم يخويه اخذوني _ خلي العده يذبحوني _
ارتاح صدكوني من اموت _ ولا بيكم ايعيروني
_
الخادم موسى البطلي
https://www.tg-me.com/us/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa
BY النعي والرثاء لمجالس سيد الشهداء
![](https://photo.tg-me.com/u/cdn4.cdn-telegram.org/file/u2r9oaaQqvXXlTi-6_9Qs2eeBqw_jz-s76vyAXy2aw6ePmkRD2ZEnfMImGyxfNZUquEwO65XiqgNdsSt3csYkoKBNAtHKgqlFHrrEDVcOfQ07O92PYfF3Efy5YQRkLtvwU0WMCYg6LGYk89rYy-mLpDPpISkUBiID96GgrisSLxqPbsu3N7fV4dQ3A1vivwwoRYGawvYPliIgJtRpQUqGFF02qVBEFplv7bl3OvxRKBbDv8zm2ykgDvbrsJkqRCzhyerJb-8KDZAluahJleN2SuOtfKm8lvdv5InC7qKbD-2mf816BpVW9-v4vJncOzVGfDIFkw_d80dk-A7euY6nA.jpg)
Share with your friend now:
tg-me.com/AL_Nay_and_Alrthaa/724